මේ තරම් සියුමැලිද කලු ගල්
හිතන්නට වත් බැරි නිසා
මම ගියා අවුකන බුදුන්ටත්
දෑස් දුන් මිනිසා සොයා
දෑස් දුන් මිනිසා සොයා
කලා වැවලග ඉලුක් සෙවනක
මැටි පිලක පැදුරක් එලා
රිදුම් පිරිමදිමින් බලයි ඔහු
මැරෙන ඉපදෙන රල දිහා
මැරෙන ඉපදෙන රල දිහා
ඉසුරුමුනියේ ඔබ තැනූ
පෙම්බරිය කොතැනක කියා
මා ඇසූ විට හිනහුනා ඔහු
තවම තනිකඩ යැයි කියා
තවම තනිකඩ යැයි කියා
:- ආචාර්ය සුනිල් එදිරිසිංහ
No comments:
Post a Comment