මෙතෙර සිට..
නිදි නොලැබ නිදි බරව
පහන් කළ වුව රැයම
විඩා නොම දැනෙන්නට
හේතුවයි නුඹ සබඳ....
ළඟ නැතත් නුඹේ වත
දුර වගක් නොසිතාම
මගේ මුළු ජීවිතය
කැප කළා නුඹ වෙතට
දුරු රටක නුඹ තනිව
ගෙවන දුක් නිමා කොට
මා වෙතට ආ කලෙක
මා ලබයි ජීවිතය..
Sunday, July 28, 2013
යථාර්තය
දේවදාර ගස් අස්සෙන්
හීන් සීරුවට හිම කැටි පාත්වෙද්දි
හීගඩු පිපෙන හීතලේ,
උණුසුමින් පිරිල ගිය කබා පොරවගෙන
රාත්රී අවන්හලට ගොඩ වදින
ධනවාදී අදහස් ඉතිරිල ගිය
මහා සද්ධන්ත මිනිස්සුන්ට වඩා,
නලල් තලේ එහෙ මෙහෙ වෙච්චි
දිළිහෙන දාඩිය බිංදු
දබරැගිල්ලෙන් පිහදම දමා,
හීන් කරගත්තු ඇස් දෙකෙන්
ඉර අව්ව උරාගෙන
මජං නාගත්තු බැනියම
දාඩියට ඇඟටම ඇලවෙද්දි
අබලන් කඩ කෑල්ලකට
ගොඩ වදින අහිංසක මිනිස්සු,
ජීවිතේ යථාර්තය දන්නවා ඇති...
Subscribe to:
Posts (Atom)