යථාර්තය
දේවදාර ගස් අස්සෙන්
හීන් සීරුවට හිම කැටි පාත්වෙද්දි
හීගඩු පිපෙන හීතලේ,
උණුසුමින් පිරිල ගිය කබා පොරවගෙන
රාත්රී අවන්හලට ගොඩ වදින
ධනවාදී අදහස් ඉතිරිල ගිය
මහා සද්ධන්ත මිනිස්සුන්ට වඩා,
නලල් තලේ එහෙ මෙහෙ වෙච්චි
දිළිහෙන දාඩිය බිංදු
දබරැගිල්ලෙන් පිහදම දමා,
හීන් කරගත්තු ඇස් දෙකෙන්
ඉර අව්ව උරාගෙන
මජං නාගත්තු බැනියම
දාඩියට ඇඟටම ඇලවෙද්දි
අබලන් කඩ කෑල්ලකට
ගොඩ වදින අහිංසක මිනිස්සු,
ජීවිතේ යථාර්තය දන්නවා ඇති...
No comments:
Post a Comment