මුවින් නැගෙනා සිනා දහසක්
නොවටිනා වග හදට දැනුණේ
සිනහ වී මුලු හිතින්
මවෙත ආ ඔබ දුටු විටයි..
පාළු මකනා වදන් දහසක්
නොවටිනා වග මටම හැගුණේ
ඔබේ එක වදනකින්
මා සවන් පිරවූ විටයි...
නෙතට වදිනා බැලුම් දහසක්
නූපදනා වග හිතේ සතුටක්
දැනී නෙත් යුග අවදි වූයේ
ඔබෙන් බැල්මක් ලද විටයි
හිතට නැගෙනා සිතුම් දහසක්
අරුත් සුන් වග හදට දැනුණේ
ඔබ නමින් ආ සුපෙම් හැගුමක්
හදවතේ බැමි බිදි පසුයි..
.jpg)
No comments:
Post a Comment